Call Us: +91 9487876005

நீர், நிலம், காற்று யாவும் மாசாகிவிட்ட சூழலில் மனிதர்கள் எந்திர வாழ்வியலைப் பழகிக் கொள்கின்றனர். எதிர்காலத்தில் தண்ணீருக்குப் பதில் ஹைட்ரஜன், ஆக்சிஜன் ஆகியவற்றைக் கலந்து மருந்தாகச் சாப்பிட வேண்டிய சூழல் ஏற்படுமோ என்ற அச்சம் ஏற்பட்டுள்ளது. மருந்து குடிக்கவும் தண்ணீர் தேவை என்பதால் ஊசி வழியாகவே மருந்துகளைச் செலுத்த வேண்டிய சூழல் வரக் கூடும்.  தண்ணீர் பற்றாக்குறை மட்டுமல்லாது நிலத்தடி நீரும் உப்பாகிவிட்டது. நீர் உப்பாகிவிட்டது மட்டுமல்லாமல் நிலமும் உப்பாகி விட்டது. உப்பு மண்ணில் எந்தத் தாவரமும் முளைக்கவோ உயிர் வாழவோ முடியாத சூழல் நெருங்குகிறது.  குடிநீரை உப்பாக்கிய மனிதன் தன்னுடைய சிறுநீரகம் பாதிக்கப்படக் கூடாது என்பதற்காக கனிம நீரைக் கண்டுபிடித்துக் கொண்டான். ஆனால் சிங்கம், புலி, ஆடு, மாடுகளுக்குச் சிறுநீரகம் பழுதாகாதா? அவைகளுக்கும் கனிம நீர் கிடைக்குமா? பூமி மனிதனுக்கு மட்டும் சொந்தமில்லையே. தாவரங்களுக்கும் விலங்குகளுக்கும் இந்தப் பூமி சொந்தமல்லவா? இதே நிலை தொடர்கையில் நாளைய உலகில் மனித இனமும் அழிந்து போய் பூமி தன்னுடைய பசுமையை இழந்து பாலைவனமாகிவிடும்.  பசுமைமீட்பு குறித்த தீர்வுகளையும் இயற்கைப் பாதுகாப்பு குறித்த வழிமுறைகளையும் நம் மாணவர்கள் சிந்திக்க வேண்டும் என்பதற்காகவும், தங்களுக்குத் தோன்றும் கருத்துக்களைப் பகிர்ந்திட வேண்டும் என்பதற்காகவும், அவர்களின் சிந்தனைகளை வெளியுலகத்திற்குத் தெரியப்படுத்த வேண்டும் என்பதற்காகவும்  நம் பச்சை இந்தியா சார்பில் பல்வேறு போட்டிகளை நடத்துகிறோம். இயற்கையின் அழகு நம் கையில் என்ற கருப்பொருளை மையப்படுத்திய கட்டுரை, சிறுகதை, கவிதை, ஓவியம், பாடல், நடனம், யோகா, நாடகம் உள்ளிட்ட போட்டிகளை இந்தியாவில் உள்ள மாணவர்களுக்கும் நடத்துகிறோம். பங்குபெறும் அனைத்து மாணவர்களுக்கும் சான்றிதழ்கள் வழங்க உள்ளோம். பங்குபெறும் அனைத்து மாணவர்களின் படைப்புகளையும் மின் நூல்களாகவும், வெற்றி பெறும் மாணவர்களின் படைப்புகளை அச்சுப் புத்தகங்களாகவும் குறும்படங்களாகவும் வெளியிட உள்ளோம். இந்தப் போட்டி சிபிஎஸ்இ பள்ளிகளிலும் நடத்தப்பட தங்களின் அனுமதி அளிக்க வேண்டும், மேற்படி போட்டிகள் குறித்து அனைத்துப் பள்ளிகளுக்கும் சுற்றறிக்கை அனுப்பி எங்களின் முயற்சிக்கு உறுதுணையாக இருக்க வேண்டும் என்றும்  பணிவன்புடன் கேட்டுக் கொள்கிறோம்.

COMPETITON

Concepts FOR School Students Entry fee Rs.40/- (Fifty Rupees only) per one competition

Close Menu
×
×

Cart